就到復活節，有冇諗過食復活蛋？提起朱古力蛋，唔少人都會諗起Kinder出奇蛋。咁啱呢隻有40年歷史嘅出奇蛋近嚟有展覽。呢個喺德福廣場嘅復活節「小驚喜．蛋中尋．集體回憶玩具展」展覽，請咗嚟自瑞典嘅出奇蛋小玩具（K-Toys）收藏家Thore Bjureus同Nicolina，帶埋佢哋嘅7,000件收藏品訪港。
今次嘅展品，有喺德國製造嘅最早期手繪公仔系列，亦有1974年以交通工具為主嘅迷你車、船、80年代盛極一時嘅藍精靈，而當中惟一嘅女角「美芝」，據聞單一估值超過6,000港元。另一款1989年版「唐老鴨與老友」，估值每個過千蚊。呢個展覽明日至4月7日喺德福廣場二期展出，費用全免。
