很久沒試過像上周五在旺角場那樣熱血沸騰，搞到賽後做訪問有點情緒失控。
由開賽前10分鐘看見旺角場重建後首次掛紅旗，已經興奮；「受惠」大球場打七欖，令港隊可在爆棚球場出戰。最最最興奮，是見港隊劣勢下越打越好；沒有比尾段入波奠勝更興奮的事了！其實港隊發揮不算最佳，開賽早段緊張，頻讓對方起腳；幸好葉鴻輝危急關頭保持一貫冷靜。沒有「英雄輝」穩定演出，就沒有大豪最後的絕殺入球。賽後代表電視台訪問Kim Sir，竟然有啲失聲，聲音不自覺高8度。先主守，賽後才換入進攻主力李康廉及徐德帥，形勢立即逆轉，Kim Sir果然係勁！
贏波怎樣也靠點運氣，現手握4分穩站E組次名，已有球迷心中盤算：「會唔會創造到出線奇蹟？」香港上次打入亞洲盃決賽周已是45年前。1968年，阿聯酋、沙地等勁旅沒參賽；泰國、馬拉等足球未蓬勃；相比下，現在「創造奇蹟」難度高得多。決賽周象徵亞洲最強16隊，對區內排名僅28的香港，是不短的距離。
不過，今屆5組中最佳小組第3都可入圍。翻看上一屆外圍賽，隨時8分都有機會，即餘下4仗起碼要作客擊敗越南，再於面對勁旅烏茲別克及阿聯酋起碼和多一次。聽落目標似看得見，又不過，仍似站在喜馬拉雅山腳，肉眼望到山頂一樣咁遠。反而希望港隊千祈咪有壓力，逐場以鬥志踢出好波，已經拍爛手掌。當然，我的主觀願望是：「但願好波和好運，都與港隊常在」。
方柏翹
now足球評述員