今日3.25，除咗係狼英當選一周年，亦係學民思潮嘅大日子。由學民班底組成嘅網絡媒體《破折號》今日開張，集網台同時事專題於一身，吸引中學生了解時政。總編Suki同八方講，破折號有解釋同延伸嘅意思，希望從日常生活深入淺出解釋時事議題，幫助對時事冇乜嘢興趣嘅同學仔認識社會。破折亦係「破開挫折」，寓意新一代迎難而上。頭炮專題講教育，搵咗學民成員、blogger、80後等人分析點評，佢哋喺網上搞冇獎問答遊戲，post一堆人物剪影叫大家估吓今期邊個有份，八方暫時淨係認得出黃之鋒、黃莉莉同埋韓連山，答案今日揭曉。
網址： http://hkdash.com