無綫和四大唱片版稅糾紛解決，身為四大之一環球旗下、又是無綫契仔的李克勤，前晚在《博愛》騷獻唱，但因四大未有簽歌星約未能參加《勁歌金曲》總選，克勤比喻四大和無綫如戀人，和好如初先拖手，再給時間約會，深信終大團圓結局。
四大唱片和無綫擾攘約四年的版稅問題日前終於完結，雙方破冰，四大之一環球旗下的Robynn & Kendy及李克勤，前晚在破冰後首度在《博愛歡樂傳萬家》正式開金口唱歌，克勤更客串做嘉賓司儀主持《決戰一分鐘》，鄧紫棋（G.E.M.）、楊焉（Carol）、蔚雨芯及狄易達齊齊玩遊戲。
「望放下門戶之見」
克勤表示原本想唱新歌，但因時間緊逼故最後取消，他笑言來日方長，只要無綫找他演出自己也很樂意，對於四大和無綫終破冰，克勤謂：「梗係開心，成件事對樂壇都好，其實四大同無綫就好似戀人嗌交，𠵱家唔好望番轉頭。」不過四大和無綫即使破冰，但旗下歌手沒有簽歌星約，故不能參加《勁歌金曲》總選，克勤表示：「其實都未有定案，𠵱家好番咪拖手咀吓先，逐步嚟，畀多啲時間約會，可以解決，咁大步都可以搞掂，前路好光明。」是否因為有冇獎都沒有所謂？克勤只認為希望大家不要再有門戶之見。是否可以亮相其他電視台？克勤說：「去邊都得，就算我幫TVB做主持都冇話唔可以去邊，咁當然最好唔好做主持，台灣都係一樣。」至於能否參加《勁歌》總選，克勤笑言：「咁要睇公司燈神（高層Duncan）點指示。」
薛凱琪恨黐陳奕迅
Carol前晚打扮密實，她說：「咁要玩遊戲，我都係配合着高領嘅狄易達。」之前Carol在《叻哥遊世界》以逼爆三點式上陣打救收視，Carol即說：「唔係，集集都高，我唔係封胸，如果去沙灘都會着三點式。」而薛凱琪表示四大回歸無綫是良性競爭，大騷可以合作，她最想和陳奕迅合唱。
採訪：李珮洳
攝影：仇志德
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/