（喜）美職聯傳統球隊紐約紅牛新球季真係幾唔順，日前聯賽又輸波，作客遭蒙特利爾衝擊以1:0擊敗（圖），開季4場2和2負，仍未開齋。相反，蒙特利爾衝擊就頭威頭勢，成為聯賽唯一4戰全勝嘅隊伍，而力挫紅牛嘅入球功臣，就係曾經效力過拉素、帕爾馬及祖雲達斯等意甲球會嘅前意大利國腳迪華奧；佢呢場聯賽其實有好多入球機會，最終只入一粒算少。