【本報訊】「如果佢哋三兄妹真係錫個家姐同姐夫，就唔會亂咁拆晒啲樓……」灣仔軒尼詩道1號熙信大廈，就是張雁坤口中其中一個被龔氏兄妹「錯殺」的例子。
最愛到喜萬年跳舞
「我細細個嗰陣，契爺契媽成日帶我去熙信地下嘅喜萬年（當年是喜萬年酒樓夜總會），佢哋兩個好鍾意去嗰度跳舞、傾生意，契媽成日同我講，嗰度有好多佢同契爺嘅sweet memory……」
張雁坤說已忘記了哪首歌哪種舞步是兩老最喜歡的；不過，最常與兩老在喜萬年傾生意的，他就記得是南豐的陳廷驊。
另一個「節目」，就是兩老經常將座駕泊在熙信大廈，之後拖着他「三人行」散步回到中環的辦公室。
根據現時龔仁心三兄妹有份主導的華懋慈善基金的決定，熙信大廈已落實會拆卸，將會重建為一幢24層高總樓面面積達31.15萬方呎的商廈，而有逾40年歷史的喜萬年，其東主呂少文早前已預告，租約應該在今年4、5月左右到期，但他一定會另覓地方確保喜萬年不會在香港消失。
「我真係希望華懋唔好拆熙信大廈，但呢一刻我乜嘢都做唔到……」張雁坤無奈地說。