問起對美國菜的印象，你可能即時會答：「唔係薯條就係漢堡包，每碟菜都大大份，又煎又炸，食得多都怕！」無錯，傳統美國菜也許如此，但今時今日，原來已經好似奧巴馬咁講，Change喇！美國飲食界其實近年也悄悄地起革命。
記者：歐陽曉思 攝影：許有達
改變快餐觀念
「美國菜一向予人份量大、質素平凡的感覺，其實只是被部份美式快餐店所誤導。現在的新派美國菜唔再只得傳統的漢堡包、薯條及熱狗，選擇比以前多了很多很多。美國屬多元民族的國家，每個民族的飲食文化既獨特又互相影響。近年好多大城市，就將東西岸及其他國家的食材結合，為配合健康食潮，不但自家製作健康醬料，再互相配搭烹調，成為新派美國菜。現在的美國菜，份量較小巧，賣相精緻兼少鹽少油，更以新鮮香草調味，令味道更為清新，不再一味的Fast Food。我們更引入特別的美國啤酒來配襯食物，會凸顯到新派菜的風格，唔會覺得Heavy。」Stone Nullah Tavern的行政總廚Vinny Lauria說。
位於灣仔藍屋對面的新店Stone Nullah Tavern，是Homegrown Foods旗下新開張的餐廳，只於晚市營業，以新派美國菜作招徠，更以石水渠街的英文名來命名。Vinny本來是中環意大利餐廳Linguini Fini的行政總廚，三年前來港發展後，開始尋找本地優質的食材。「我覺得食物只要充滿營養，便應好吃。而作為一位負責任的廚師，應該支持本地農業發展，這是對農夫的尊重，而我發現香港原來擁有很多優質的有機農場，農夫的熱誠感動我，好似有心機農莊，便是我最欣賞的有機農場之一。」
浸醃豬頭一星期
正因為新派美國菜也很着重時令，所以Vinny不時周圍去購買時令食材，令菜式味道更鮮美。細看餐牌，發覺其食物選擇不多，頭盤、主菜、甜品平均每類只得六、七種，原來Vinny會跟隨時令而定期更換菜式。最近Vinny便用上Heirloom Carrots，這些有機雜色甘笋用糖煮至焦香後，再加點Sambuca甜酒，既保留蘿蔔的爽脆，也帶焦糖的味道，香甜爽口，非常新鮮健康。除蔬果外，菜式也有用上豬頭、豬耳、豬腳等豬隻的特別部份，經加工烹調，惹味非常，是絕佳的下酒菜。除了主菜，餐廳的甜品也用上各類有機食材，靚女甜品師傅Tracy說餐廳是Ingredient-Driven（以食材為主），所以甜品也要用上時令食材，例如楊桃、食用花等。店內更提供多款美國手工特色啤酒，等大家也有機會品嚐各款美國啤酒！
Stone Nullah Tavern（3182 0128）
地址：灣仔石水渠街69號地下