胡漢清的母親莊永楚昨日未有現身，胡母的姪女婿Peter昨日接受電話訪間，透露胡母心情尚未平復，現階段不方便接受訪問，Peter說：「佢冇事，但要靜吓。」更透露兩母子已正式見面：「佢哋噚晚（即前晚）見咗面，應該係第一步，未有咁快解決問題。」直到下午4時，記者再致電Peter查詢，他表示胡母被人「接走咗」，但不肯透露誰人接走胡母。
「係有啲感動位」
有份出席前晚飯局的謝偉俊和張宇人均拒絕透露詳情，不過謝偉俊在電話中以「OK」形容雙方見面情況，他說：「各抒己見，好過冇聯絡啦。」問胡母可有哭泣？他說：「未至於，只係有啲感動位。」他表示莊永楚已明確提出三項要求，他說：「恐怕有啲事都要時間去處理，例如一啲樓轉名，恐怕唔係一張支票就可以解決到問題，當然其中一個要求，就係有個現金安排，但似乎未有確實金額數字同安排程序。」有指胡漢清近日要出門，下次會面時間要數天後才能再落實。張宇人則說：「我唔會喺細節上講嘢，我幾時都話希望你哋畀多啲空間佢哋屋企做嘢。」
此外，有傳待產的江希文非常不開心，江希文胞姊江欣燕昨在電話中拒絕評論胡家家事：「我唔知，冇意見，真係冇嘢想答，佢哋嘅情況我都唔係咁清楚。」
採訪：丁寧
攝影：李中浩
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/