風頭躉白健恩早排俾人話用香港先生身份兜客，之後有人約佢喺天水圍見面，白健恩有蒲頭兼入晒鏡頭，片段喺facebook瘋傳。白健恩解釋係嚟追債，仲話從來冇接客。其實俾人誤會嘅又點只白健恩？96年嚴淑明都捲進汶萊賣淫事件，仲轟動一時㖭，佢當然否認啦。
不過最爆嘅係嚴淑明喺01年推出過本書叫《救贖美麗》，美其名係敍述佢喺信仰、人生、愛情嘅起跌，其實係大爆娛樂圈嘅「所見所聞」。佢喺書度話汶萊對東方女性需求好大，稍有姿色嘅都有機會「面試」，而面試要全裸，經唔經「錄用」都有10萬蚊酬勞。嚴淑明又話被選中嘅會被安排飛去汶萊，陪當地嘅皇室中人同外國使節唱吓K飲吓酒，如果有進一步行動就另有酬勞，分分鐘有百萬獎勵喎。真係講到似層層咁。
講到尾，做藝人image係最緊要，唔潔身自愛嘅好難撈得耐。
撰文：阿Wow
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/