陳敏之昨日在中環為名錶新店開幕做嘉賓，對於早前有指她身體不適，有意收山兼結婚，性感上陣的敏之說：「唔係喇，我身體好好，仲精神過以前，病完之後𠵱家識得調理。傳我結婚生仔冇所謂，始終呢啲係好事，成日話我病停工，同事朋友都會擔心，打嚟問候我。」
與男友感情穩定的敏之，笑稱男友未有因此而求婚，談到結婚計劃，她說：「我下月都開工，一定唔會係年尾，將來一定會，我仲想做吓嘢先。」稍後敏之將與黃子華合作拍劇，為新劇亦努力練歌和學結他。
採訪、攝影：何慧斯
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/