【特稿】
歐洲多國近年陸續承認同性婚姻，權力核心同樣設在歐洲的羅馬天主教會在輿論及政治角力中似乎節節敗退。教廷萬民福音部秘書長韓大輝總主教認為，教會應堅持家庭價值，不應受相對主義影響，即使訂立保護同性戀者的法例，也不能影響教會宣揚婚姻由一男一女組成的自由。
不贊同相對主義
韓大輝表示，上任教宗深切了解到歐洲社會的轉變，認為相對主義的盛行，對世界是威脅；所謂相對主義，是指價值觀隨時代發展轉變，世上沒有絕對真理。韓大輝提到，近年世界各地以至香港熱烈討論同性婚姻問題，擔心立法或會導致逆向歧視，扼殺教會宣揚真理的權利，「呢個我哋不嬲有權利去講，點解突然間連我哋話呢樣嘢（同性戀）唔可以做都唔得呢？」
他形容本篤十六世是教會的明燈，認同真理不會隨潮流改變，又相信新教宗與榮休教宗一樣會繼續堅持教會價值，「呢個係真理嘅問題，唔係樣樣嘢都可以用投票去決定，因為政治體制好容易會受到當權者或富有既人操控，同性傾向人士要求有同等建立家庭嘅權利，又要有權利去收養小朋友，咁你有冇問過被收養嘅人，佢哋想唔想要一個家庭，爸爸係男人，媽媽又係男人呢？」
《蘋果》記者