旅發局主席田北俊六年任期今個月完結，噚日同傳媒farewell。當佢見到farewell禮物錦旗繡咗「有．料．到」，即刻笑晒，皆因佢早前大大聲批評特首梁振英「冇．料．到」嘛。
田少扮晒謙虛話唔襯張旗，「如果我有料到，就做咗特首啦。」不過，佢轉頭忍唔住暗插狼英，話香港政府對旅遊支援唔夠，新加坡政府都支持搞一級方程式賽車啦，結果旅發局要「自製」節目如美酒佳餚年、除夕倒數，「不過我哋搞得掂㗎嘞，如果政府行政主導，你睇佢主咗啲乜嘢出嚟？」睇嚟特首嗰句「唔好盲目追求旅客人數」真係辣㷫咗田少，令佢臨別都要「揪英」。