懷有5個月身孕的蔣怡，自公佈懷孕後昨日在觀塘首度出席公開活動，升cup媽咪fit爆現身，比同場的高海寧更索更性感。蔣怡對住現場的小朋友，愛心爆棚，又錫又𠱁，非常開心，她表示懷有女兒胃口大變，因為滴油不沾，至今只重了5磅，羨煞旁人。
蔣怡和高海寧昨日在觀塘apm出席HUGGIES Pull-Ups學習褲潮爆Party B活動，懷有5個月身孕的蔣怡順理成章獲邀做嘉賓，穿粉紅色性感低胸裙的高海寧未婚又無孕，被問到為何會成為嘉賓，她說：「好明顯，我今日係着住BB女條褲仔出現，顏色係一樣！」
高海寧嚇親細路
高海寧豐滿的身材，令人想起奶媽，不過現場所見，她不太受小朋友歡迎，她說：「咁我將來都想做媽咪，可能頭先出場前冇同班小朋友接觸過，所以佢哋有少少驚，唔受控制。」
相反，蔣怡跟小女孩特別投契，又攬又錫，開心不已，腳踏4吋高跟鞋，穿着火紅色裙的蔣怡胸部明顯升cup，她又說：「知道今日同高海寧一齊，我梗係要着靚啲。我都慣咗着高跟鞋，𠵱家都唔理，最緊要係我開心，不過身邊人仲緊張過我，感覺好幸福。」
「食少少油就反胃」
蔣怡表示今次是意外懷孕，非洲結婚是計劃之內，預產期今年7月尾：「呢個係女，佢好識得保養，陀住佢開始，胃口變晒，以前我乜嘢都食，食好多嘢，𠵱家只係可以食菜同生果，一食少少油就反胃，有咗初期仲輕咗，𠵱家5個月重咗5磅。」
採訪：楊潔雯
攝影：陳志嵐
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/