一，整日呆呆滯滯，符符碌碌，比高官更高官，十問九唔應。
二，機不離手，24小時低頭，連駁嘴都懶。
三，唔忍得光。不是說RTHK那個，見光死，愈來愈自我感覺喪屍。
四，以為香港特首仍然是董建華。
五，只識得一個國家領導人鄧小平，認定他未死。
六，唔打算上車，寧願等父母過身領遺產。
七，所有新聞中，只集中睇倫常慘案。十八大？唔見血，唔低俗，冇feel。
八，自認失戀，但其實根本未戀過。
九，唔搭八，比狼凸更孤立，連熊都做唔成朋友。
十，覺得只有電鋸肯無條件接受他，任佢舞。
十一，想威，但戴錯頭盔。
十二，計劃過自殺路線圖，但唔識去ifc和君臨天下。
十三，滿腦子愛國愛黨，勝過爹親娘親。叛黨叛國死罪，殺親肢解只是家事，不算搞分裂，不容外人說三道四！