童年你與誰度過，那誰便足以在你生命中佔據重要位置，甚至是令你愛一世的人。大男孩周柏豪一向絕口不提感情事，惟獨一人令他毫不避忌說愛她，而那誰便是他的婆婆，一手湊大他的婆婆。
撰文：馬建華
向家人說聲「我愛你」，在華人社會中是較難以啟齒，但這個「愛」字卻能拉近你跟家人的距離。每次談緋聞，周柏豪總是嘻嘻哈哈作回應，惟獨談到婆婆的愛，他便開啟自動波去講，原來他跟婆婆的愛，是從滿月便開始。因父母要外出工作，周柏豪滿月後，便由婆婆照顧，直至五歲才搬回跟父母同住，柏豪說：「好多人眼中嘅婆婆就係婆婆，而我眼中嘅婆婆就好似媽咪咁親，自細我都黐住婆婆瞓覺，晚晚攬住佢，久而久之到𠵱家我都慣咗要攬住嘢先瞓到。」
救命恩人
照顧起居飲食的婆婆，更是柏豪的救命恩人，柏豪說：「當年我大約兩歲，有次入廚房，差啲俾洗奶樽嘅滾水淋到，好彩婆婆及時一腳踢開我，但搞到佢小腿燙傷咗。」婆婆勇救柏豪一事，自始成為每逢新年婆婆必重提與展現傷痕的指定動作，可惜今年柏豪再聽不到婆婆講故事，因婆婆去年因病離世，這份恩情只能銘記於心。
走堂打機
柏豪在家中排老二，跟哥哥弟弟在長大的屋邨組成搗蛋三人組，談到百厭事，柏豪說：「記得我哋要去學柔道，點知走咗去同學屋企打機，事後返到屋企因為柔道袍冇着過被揭發，之後有次去上游水堂，我哋又走堂打機，返屋企前好醒目整濕泳褲，點知因為冇泳池水味再被揭穿。」而父母每次懲罰都很公平，三兄弟齊齊罰，於家中上演一幕又一幕打死不離三兄弟。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/