香港電視專業人員協會噚日頒咗個獎畀亞視節目《微．電影》，亞視高層盛品儒噚日出席喺會展舉行嘅記招，講到港大民調指對亞視不滿度超過5成，盛品儒話冇睇報道，又話調查通常有誤差，佢仲話喺佢認識或者唔識嘅朋友之中，好多都好支持亞視，仲好滿意佢哋自居「香港良心」。
另外，劉家豪同梅小青噚日喺會展嘅影視展出席now TV活動，宣佈會同內地合資拍古裝劇，問到演員會唔會有佘詩曼？佢哋話只可以講有啲演員有同佢哋合作過。
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/