甜姐兒官恩娜加盟華納唱片，獲公司力捧，日前安排咗佢去台灣拍攝頭炮歌曲《So In Love》MV，唱片公司仲落足本，除咗請攞過金曲獎最佳導演嘅陳映之執導外，又喺現場搭景，加埋book酒店，足足用咗六位數字。一入廠官恩娜見到泳池同床都嚇咗一跳，佢話：「MV有一幕我要撻落張床褥，風機就吹起羽毛，我初初都好擔心鼻敏感發作引致眼腫，好彩導演畀時間我休息。」
俾男友谷肥
官恩娜又話有男友唱情歌特別易投入，但男友之前成日引佢食嘢，因為要keep fit，都唔敢見佢。問官恩娜𠵱家係咪做華納一姐？佢即刻話：「嘩，呢個唔敢講。」有傳佢簽約時包埋可以喺紅館開騷？佢話：「大家有傾以呢個為目標，但唔喺合約度嘅。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/