女神tea time:「唔知道」就大晒? - Fifi

女神tea time:「唔知道」就大晒? - Fifi

人行最近的調查指,強國有近七成人認為房價高到離晒譜。無他嘅,內房同香港樓市一樣,因為有人喪炒,搞到好多人冇錢買樓。
好似強國有「房姐」之稱嘅龔愛愛,早前被爆一個人靠四個戶口、兩個身份,喺京城擁有41套房產,面積加埋比四個故宮金鑾殿仲要大。相信冇人會認為呢件事係個別事件啩?最新被發現有雙重身份嘅,就係今年福布斯富豪榜排名1,332嘅湖北首富劉寶林。
醜聞之所以被揭發,係因為劉寶林唔小心用咗兩張身份證為兩間公司註冊。奇情嘅係佢唔單止冇否認仲話兩張證都有效,但點解有兩張就話唔知道,仲反叫公安調查。至於佢有冇用第二個身份買樓?當事人梗話冇。公安點講?佢哋竟然話:不知道。雙方都話唔知唔清楚,即係冇人查啦。
阿爺呢頭推辣招壓樓市,平民就玩離婚避稅,富豪、官員則玩多重身份避限購。道高一呎,魔高一丈,你話內房樓價點會冧!

Fifi
本欄逢周二、四刊出