本港接連發生多宗倫常慘案，令人膽顫心驚，周二花旗推出嘅百萬富翁調查報告，同樣觸目驚心。事關逾3,000名受訪者中，看好今年樓價比例，竟由舊年嘅6%，大幅增加至今年嘅42%；睇淡樓價嘅比例，卻由71%急跌至27%。根據相反理論，今年樓價回落機會甚大。
產銷智能手機、手提電腦及電器外殼嘅通達集團（698）上周放榜，全年賺3億銀，按年增長兩成，分拆上下半年睇，盈利按半年計更大升65%，毛利率亦由19.2%擴闊至21.4%。集團透露，已率先開發適用於4G流動設備嘅鐳射直接成型天線工藝，未來肯定食正4G熱潮，現價息率3.8厘，市盈率8.3倍，與其發展潛能比較，絕對便宜，保守估計今年盈利增長兩成，則市盈率降至6.9倍，更形吸引。
睇圖表，通達連番下試0.5元水平皆有支持，反映好消息出貨潮已近尾聲，噚日一記陽燭回升，話唔定係重拾升途訊號，現水平買入，中短線皆宜。
唐牛