【特稿】
高登友，總有一個喺左近。「我成日上高登、上discuss hk……喺啲chatroom見過有人話：終審法院唔再係終審㖭。」莫非堂堂公會主席，也是高登巴打？石永泰笑着搶答：「我冇戶口㗎，我上去睇嘢啫……我都要知道外面對一啲事嘅睇法。」
《孤星淚》是至愛
通俗非低俗，石永泰毫不隱瞞，愛聽尹光與夏金城，「尹光其實唔係淨係唱你哋講嗰啲歌㗎，佢之前唱好多粵曲，70年代又唱好多小市民心聲，當然我唔係聽佢呢啲歌，而係聽佢嗰啲……搞笑嘢，哈哈哈」。
被藝評獎得主賈選凝狠批的《低俗喜劇》，石永泰卻好like，「我覺得其實幾好睇，唔覺得係針對任何人、唔覺得煽動任何嘢……香港嘅核心價值最好係『包容』，睇完得啖笑就算，唔使太過裝晒槓話講緊邊個嘅」。《孤星淚》，才是其至愛。10周年及25周年音樂劇DVD，以致倫敦、巴黎等地演出現場版CD也是其珍藏。看過電影欲罷不能，即上Amazon「掃貨」，「DVD 5月先有，但係Highlights from（the Motion Picture）Soundtrack已經出咗，我都買咗」。
《蘋果》記者