＜樂＞唔好以為踢波就冇學識，好似日本門將川島永嗣，佢最近出書教人學英文，本書叫做《我想同你講英文》，喺噚日正式出版。川島永嗣除咗踢波勁，更加係一個語言天才，英文流利不在話下，佢仲識意大利文、西班牙文、葡萄牙文、荷蘭文同埋法文。佢𠵱家踢緊比利時球會標準列治，年初佢嘅國家隊隊友永井謙佑加盟球會，都係靠川島永嗣幫手做即時傳譯。