一部黑白即影即有相機、一個平凡的街頭拍攝概念，換來facebook專頁破萬個like。80後街頭攝影師陳俊賢（Michael），半年前開始在旺角擺檔，$20一張即影即有黑白照，高峯時日影800張。鏡頭背後，Michael聚焦的不只是相中人，還有屬於他們的小故事，「了解人嘅故事，比拎走袋錢更重要」。
25歲的Michael在粉嶺公屋長大，現為城大創意媒體學系一年級生。每天下午4時，他便在旺角行人專用區，手執1971年出產的Mamiya相機開檔，「一張相我賺8蚊，平均每日6個鐘影300張」，時薪高達400元，「但係遇到啱傾嘅人，多數唔收錢」。
樂於送相鼓勵人
鏡頭內，盛載一個個真摰小故事。「有位方伯成日企喺我旁邊，望我影相，我就揀佢過嚟免費影相，佢好開心，特登着唐裝同戴帽嚟影，影完佢好滿意，新年仲特登封利是畀我，好warm」。他亦收過客人的心意卡，「佢本身想同男朋友影，點知當日我部機壞咗，整番好部機之後，佢行過但係好唔開心，因為同男朋友冷戰緊影唔到」，幸好最後二人和好並前來合照，「好開心見證到人哋嘅愛情」。
Michael更與不少顧客「有約」。「例如相約大肚婆，BB滿月後返嚟搵我，仲有約咗一班DSE考生，如果升到大學，嚟搵我都會唔收錢」。他指照片的意義遠比金錢重要，「如果一張相可以畀人動力，點解我唔送？」遇上客人求婚或結婚紀念日，他大多不收費，「聽到佢哋嘅故事，已經賺咗啦」，又笑指：「做人唔使好似李嘉誠咁賺到最盡。」
記者：吳嘉羚