周秀娜昨日到佐敦出席服裝活動，她和小模特兒齊扮櫥窗公仔，其中一個小男孩單腳半跪送了枝假花給她，娜姐收花時高興說：「我好耐冇收花啦！」她與陳偉成（Avis）分手只是數月，問她有多久沒收到男士送花？娜姐迴避說：「我覺得男仔送花好浪漫，不過我更鍾意心意同驚喜，喺埋一齊溝通同關心最重要，有冇禮物都冇所謂。」
早前娜姐被發現約會富二代，問她是否有新戀情？娜姐解釋：「嗰個係內衣生意拍檔，亦只係普通朋友，佢老婆我都識。」有指當時她有擁抱富二代，娜姐即說：「普通朋友禮貌！」娜姐嘆氣表示現時沒有新追求者，最近只是約朋友食吓飯，但沒有時間相處，自己亦不會心急。
採訪：魯萍
攝影：陳志嵐
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/