麥記周初免費派煙肉蛋漢堡，短短兩個鐘就派出23萬個，按人口比例計，香港成為派包數量最高和派發速度最快的亞洲市場，而新加坡只派出12萬個，僅及香港一半。雖則話自由行搶晒啲包，但講明「免費」都預咗搶㗎啦！Samantha認為麥記派包如意算盤，未必打得響。
今次勞師動眾推出早餐優惠，無非係谷早餐銷路，據外國媒體報道，新加坡和香港這些成熟市場，早餐佔麥記銷售額比例偏低，僅兩成左右。有市場研究機構的15個主要城市調查顯示，有六成人每周最少兩次外出晚餐、四成外出午膳，只有三成享用外面的早餐。
亞洲早餐文化本土意識強，唔少人習慣在家吃早飯，就算出外搞掂，選擇太多，單睇香港，有人鍾意飲茶、去茶餐廳又或者食快餐，日本呢，老一輩就最憎人帶埋早餐返工，一路食一路做嘢，霸權如麥記想改變早餐文化，並不是派吓包、減吓價就搞得掂。
Samantha
本欄逢周一、三、五刊出