除咗熱火贏到唔識停，西岸（右）嘅金塊默默起革命，周一作客同公牛（左）鬥到加時，以119:118險勝，累積12連勝；不過場波都幾多爭議，特別於加時完場前1.7秒，公牛中鋒諾亞補籃成功，諗住可以絕殺金塊。但球證睇完電視重播，判諾亞籃上干擾，入球無效，金塊就以1分險勝；公牛前鋒保沙賽後好嬲咁講，好似俾人偷走勝利咁慘。