後生嘅轉工接受新挑戰，年長嘅就畀機會啲後生。東亞銀行（023）主席李國寶近年鋪路畀兩位公子上位，就連其他上市公司嘅獨董職位都留畀阿仔。中國海外（688）噚日公佈，寶哥哥辭職，改由佢細仔李民斌頂上做獨董。
民斌繼任中海外獨董
寶哥哥離開中海外嘅原因都諗過度過，希望「投放更多時間於其他業務及慈善事業」，翻閱年報先至發現，寶哥哥係聖雅各福群會執行委員會主席、救世軍港澳軍區顧問委員會主席、香港紅十字會顧問團成員，仲係李國寶慈善基金董事，話晒都成74歲，重新分配時間做有意義嘅事都好正常。
不過，寶哥哥仲做緊另外七間上市公司嘅獨董，包括電盈（008）、煤氣（003）同大酒店（045），呢幾間公司嘅老闆全部係老友，遲吓會否轉晒由佢兩位公子做獨董呢？