食字部：三行佬揸鑊鏟　平食貴蚌爆鮮

他不是精於計算的生意人，也不是學廚多年的大師傅，他只是三行佬一名，未曾踏入食肆廚房，有的是一股儍勁，因興趣及夢想，和兒子兩人父子檔開餐廳，賣的是不加味精的海鮮住家菜。由零開始，一手一腳完成自己「蜆勁村」的夢。

記者：何嘉茵　攝影：劉永發

初哥賣貴價海鮮

白灼蝴蝶蚌，來自東南亞的蝴蝶蚌很罕見，外殼打開時如蝴蝶而得名，白灼最能食到鮮甜味。$20/隻

盧爸爸（盧建新）是客家人，自小在惠州鄉村長大，平日愛下廚，在朋友及家人鼓勵下，耗用大半生積蓄，一擲七十萬開餐廳，上月尾開始試業。不過，這個故事背後卻不簡單，外形黑黑實實的盧爸爸，十多歲已入行做三行，七、八年前轉做室內裝修，而兒子Peter則是全職學生，平日有空會去地盤幫手，兩父子對經營飲食業可謂一竅不通。「飲食業出名難做，好多人都覺得我哋儍儍哋，無經驗不特止，仲要做最高風險嘅海鮮生意。去避風塘食海鮮，埋單起碼千幾蚊，我哋用定價而非時價，價錢較公道。」盧爸爸說。
蜆勁村這個店名很盞鬼，諧音取自於大圍的顯徑邨，問Peter店名的由來，他哈哈大笑，「爸爸堅持要改呢個名，試過送貨真係送錯咗去大圍。大多數人去大牌檔食蜆只會叫豉椒炒，其實蜆有好多種類，炒法都有唔同變化，我哋唔想受限制，所以做私房菜。」盧爸爸自言對食有一定要求，這是三行佬的通病，討厭雞粉味精，所以只喜歡用天然材料如薑、葱、蒜等炮製食材，令鮮味完全發揮出來。

盧爸爸（後）經常要地盤、餐廳兩邊走，每日做足20小時。

客家鮮魚湯，先煎香六、七條紅衫魚，再滾約一小時，因用新鮮魚炮製，味道不腥，很清甜。$128

很受歡迎的客家惹味雞，選用新鮮雞炮製，連雞胸也難得嫩滑。$98/例

蒜茸粉絲蒸日本大扇貝，大扇貝足六吋長，盧爸爸說來貨價也要$20，好抵。$25/隻

火勁薑葱炒蟹，肉蟹約十両重，即叫即劏，夠鑊氣。$198/隻

招牌爸爸炒蜆以指天椒、蒜茸炒香，較辣。$68/碟

逐隻蜆挑沙

追夢從來需要勇氣及汗水。天未光，盧氏父子已出發往流浮山魚市場，到左邊這檔買肉蟹，向右轉買蜆，和老闆娘侃侃而談，看來很熟門路。「我哋嚟呢度只有兩個禮拜，出名入貨少，要求多。初初嚟到唔知頭唔知路，無着水鞋，試過一盆水倒落嚟，成隻腳濕晒。見你生面口，入貨又少，無乜舖頭肯做我哋生意，好彩有唔少好心人教路。」原來試業首兩三日他們只往街市入貨，卻發現質素參差，所以堅持每日清晨到批發市場選購海鮮，有時訂位較多，更要於清晨四時多往觀塘碼頭入貨。「批發市場大多供應首輪靚貨，雖然唔算太便宜，但起碼明碼實價，質素穩定。」
小記由早上六時跟了盧氏父子一整天，由地盤回舖頭已三時多，忍不住連打呵欠，盧爸爸卻精靈地說，「戲肉𠵱家先開始，咪以為我哋得五六張枱，籌備工夫絕對唔少，最初我哋唔熟手，加上即叫即煮，客人等足一個鐘先有得食，𠵱家快手咗，但只係勉強應付到。」全店不足200呎，只有12個位，盧氏父子負責廚房，朋友則主力做樓面，父子兩人每日做足近20小時。「若想賺錢，根本唔會咁做，我哋同業主簽咗五年約，目標係想成為人哋屋企嘅飯堂。」先試試招牌炒蜆，食了大半碟，沒發現蜆內有沙石，原來他們先灼熟蜆，讓其開口，再逐隻挑走蜆內沙粒。乍看餐牌，菜式以海鮮為主，其中蝴蝶蚌較罕有，食起來很爽口鮮甜。除海鮮外，這裏還有不少地道客家菜，當中客家惹味雞則不惜工本採用鮮雞炮製，以最基本的薑、糖、芹菜快炒，雞胸難得唔嚡口，很惹味。