賭王四太梁安琪最近運程似乎麻麻哋，愛女何超盈嘅健康問題備受關注，私人投資君臨天下高層複式單位，其中一個仲變成凶宅中的凶宅。
君臨凶屋 同層擁三單位
本周六（23號）係四太52歲牛一，賭王應該識做，陪四太慶生兼送大禮，呵番佢啦。
翻查土地註冊處資料，四太喺04年樓市低潮，透過廣城（香港）有限公司斥資約1.6億元，向恒隆地產（101）一口氣掃入君臨天下最少10個單位，包括前日發生命案嘅第3座77樓B室，仲有同層A、C室複式單位，董事係蘇合成同四太本人。
呢三個複式單位，建築面積2,257至2,922方呎，代理估計市值至少4億元。但兇案發生後，估值應該要再計過。同層另外三個複式單位未賣，代理直言，日後除非大平賣，否則搵人要都難，邊有有錢佬想住凶宅隔籬？