富豪酒店（078）執行董事范統最怕有肚腩，見佢身形咁弗，就知佢經常做運動，之前聽佢講話鍾意玩泰拳同散打，最近仲學埋以色列格鬥（Krav Maga），呢種格鬥旨在空手對付揸住武器嘅攻擊者。嘩，咁咪冇人敢埋佢身囉！
強身健體 可擋刀槍
以色列格鬥源自以色列軍隊嘅防身術，集拳擊、摔角同埋武術於一身，號稱最強自衞防身術。范統都話，呢種格鬥除咗強身健體，仲可以擋刀槍。
佢眉飛色舞咁解釋，「我就赤手空拳，人哋揸住把刀劈過嚟，你要諗方法去擋，當然唔係用手去擋刀，其實係去拆（解）人哋揸住刀柄嘅手。」練習嘅時候當然只係用假刀。
在此之前，范統師承第一信用財務（8215）主席冼國林，不過唔係學詠春，而係散打，佢話當初練拳係為咗陪阿仔做運動，點知阿仔後尾冇乜興趣，佢就上癮了。
新game出爐 ～ 快啲試下自己有無辦法上車啦！
【「樓」年運程小測試】
http://www.tomonews.net/game/hkhousingpolicy/