狼振英當選快一年，大話一個接一個，多到八方都唔想逐個數。狼英喺僭建醜聞上，好鍾意書面回覆傳媒。咁啱有班後生仔就一人一信，寫出佢哋嘅心聲畀狼英睇。香港仔街坊福利會同港大合辦嘅全港青少年徵文比賽，今次以「給特首的一封信」同「我眼中的香港」為主題，一班十幾歲嘅參賽者究竟有乜嘢想同特首講？有人關心言論自由被壓制、有人叮囑狼振英誠信破產，唔該下屆唔好再諗參選；亦都有人講到知錯能改先係好孩子，勸喻狼生早日為大話連篇認錯。有學生就問，70歲老婆婆要執紙皮過活，特首先生會唔會同情？點先可以攞到獎 ?只需要講出心底說話，千祈咪學似鳳凰衛視胡一虎咁擦領導鞋，就自然多人欣賞。得獎者雖然唔係大文豪，但講嘅嘢有根有據，字字鏗鏘。以下係得獎作品節錄。
mailto:[email protected]