【後患無窮】
被平保（2318）總經理任匯川形容為「自己的孩子」的平安國際金融大廈（平安IFC）捲入「鹹水樓」風波，有工程師表示若該大廈石屎芯化驗結果「肥佬」，應拆卸重建，否則隨時會變成鹿丹村翻版。
工程師：加固工程幫助不大
香港專業教育學院（青衣）建築工程系系主任兼註冊工程師陳子明指出，現時一般住宅樓宇的壽命至少可達50至75年左右，而類似平保國際金融大廈等標誌性高樓更會設計至長達100年以上的建築壽命；但以海砂興建而成的「鹹水樓」就會相當「短命」，隨時僅得30年「貨仔」，就需拆卸重建。
平安國際金融大廈擬興建超過600米高，現已建高度達70米至80米。陳子明指若該大廈的抽芯檢驗發現所含鹽份高於標準，「最好『扑』咗再起過，𠵱家佢哋起咗個底部，而底部要承受嘅壓力較大，若果係用咗海砂做的『鹹水樓』，鋼筋會好易生銹再逼爆石屎，會危及大廈結構，出現傾斜、沉降甚至倒塌！」他又指現時進行加固工程已無太大幫助，「加固的幫助都唔大，初期結構係唔會有問題，之後先會出現問題。𠵱家加固至少要多三分一的支撐面積，可用面積同空間都細咗，唔理智。」
建造業總工會理事長周聯橋指出「鹹水樓」幾乎需要年年修補，所涉的保養費不菲，惟大多「治標不治本」。