【本報訊】謝廷駿教學樓能建成，全賴阿D一手促成。從事領隊逾20年的他，在Masa遇難後決心滙聚業界力量為Masa達成心願，「我同佢唔熟，但佢嘅專業精神令我好欽佩，知道佢生前想幫山區學童，就開始籌劃。」
43歲，月入3萬元的阿D，要供養兩名仍在求學的兒子，卻毅然停職半年，更先墊支15萬元，全身投入貴州建校工程，「我成頭金毛，籌款做善事，邊個信我？所以我先墊支，我唔擔心籌唔到呢筆錢。」
太太埋怨他，他一意孤行，「冇咗15萬係咪冇飯開？我唔做，個個都唔做，旅遊界仲點會受人尊重？」他更希望藉事件讓兒子知道，父親也有能力籌劃一件有意義的事。短短半年，他籌得13萬及價值20多萬元物資，熱誠最終也打動太太。