【公司專訪】
早前政府取消勾地表制度，更一口氣公佈下年度賣地計劃中的46幅住宅地資料，市場理解為下調入場門檻，讓更多中小型地產商可以進場。富豪酒店（078）執行董事范統認為這樣還不夠，因投標政策對中小型發展商不公平，「就好似遮住對眼去打比賽咁，大家都打到傷晒。」希望政府能改回用拍賣方式賣地。
記者：陳新政
范統認為政府過往幾年用招標方式推地，因為透明度不足，令中小型地產商更難參與這場「遊戲」。他說：「最起碼你都要公佈頭三名招標嘅價錢，等市場知道個價錢其實差幾遠。但𠵱家都唔知排第二嘅其實輸幾多，如果係舉手去投地，咁你輸一口價就係輸一口價，清清楚楚。」
過去一年入標14地均敗北
翻查資料富豪與同系的百利保（617），於2011年9月曾成功以3.61億元投得元朗丹桂村路地，其後政府就取消以拍賣方式賣地，改為招標形式。於過去一年，富豪系曾入標競投最少14幅土地，全部均鎩羽而歸。
他又舉例，指如果以往去投地是以拍賣方式而非招標進行，公司應可成功多投幾幅土地發展，「其實公司之前每一幅地都有去參與，好似之前有一幅大角嘴嘅地，我哋只係輸幾百蚊一呎，如果係拍賣方式，我哋應該會叫多口價去搶，但招標就冇得咁做。」
習武多年的范統又以拳擊比賽來作比喻。他說：「投標就好似遮住對眼去打比賽咁，大家都打到傷晒，個價錢你估吓我估吓咁。」他又強調，招標的價錢多數不能以市價反映合理水平，「其實招標喺個市好嘅時候，會將塊地bid高咗，因為大家都想搶地，出價就進取咗。但市差嘅時候，大家都驚咗，出價又會比正常低，將塊地bid低咗，咁樣又好易流標。」
拍賣助發展商公平競爭
范統認為拍賣能讓各發展商公平地競爭。他說：「𠵱家大型地產商真係大小通吃，除非係蚊型地，否則中型甚至細塊嘅地都有大型地產商去爭……招標嘅話，我哋中小型發展商就唔敢出高價，因為買貴5%對我哋嚟講真係買貴好多，但大型發展商土儲多，買貴咗可拉上補下，仲可以推高埋其他地皮嘅價錢。」
香港以往一向是採用定期的土地拍賣方式賣地，但由於金融風暴拖垮了樓市，當時董建華政府為穩定樓市，於02年起停止定期拍賣土地，以限制土地供應。於上月底，港府突取消沿用了14年的勾地表制度，表示要取回土地供應的主導權，不過，當時並沒有表示會否進一步改回以拍賣方式賣地。