【本報訊】大角嘴逆子肢解父母慘案發生後，不少人都在網上痛罵逆子泯滅人性，但有人卻不以為然，且反其道而行在facebook留言「活該」，認為有父母逼子女，最後「咪逼到仔女斬你」 ，又謂有些家長真係死有餘辜等，遭大批網民狂插，該網民知闖禍將言論刪除，並作出道歉。
該名姓陳網民是於前晚11時許，上載該段撐逆子言論「啲老豆老母俾仔斬真係活該……生佢出黎（嚟）好偉大？生佢出黎（嚟）搞到佢唔開心有咩意義，你哋唔死都無用拉（啦）。」不少網民不齒其所為，抨擊陳網民冷血，亦有人粗言穢語罵他，更將其facebooK言論轉載至討論區，亦有人指他是為求言論驚人出位，「你咁X樣上位好低樁」。有網民稱「發生呢啲慘劇，唔係打一句唔用腦嘅嘢，就代表你好勁。」
在網民連番炮轟後，該名陳姓網民於昨日凌晨時分，將有關言論刪去，並留言道歉，聲稱現時身在外國，所發言論只是就父母子女不好「講幾句廢話」，並非針對該宗肢解案。「唔好插住先，我錯我錯，𠵱家我喺外國讀緊書，之前根本唔知香港有單斬人案，我係聽到有人講起啲父母對佢唔好，我先咁講。」