當日歌手王菀之在facebook說了一句﹕「我討厭政治」，招來陶傑連撰兩篇文章痛批﹕「一個社會走向專制，自己放棄了自由權利，靠的是這樣的愚眾。她討厭政治？她不知道：麵包比上個月貴了一元，她喜歡吃的那家日本小餐廳結了業，或者乘地鐵，票價又貴了，這一切都是政治。」
昨日愛港力的陳淨心率領一眾成員浩浩蕩蕩上港台，謂要力撐廣播處處長鄧忍光。而幾乎同一時間，三名藝人鍾嘉欣、連詩雅及亢帥克於灣仔修頓球場出席港台職安活動，被問及若然港台「被消毒」、接受港台訪問時是否需小心言論，三人即不約而同噤聲，表明不談政治。歌手連詩雅說﹕「自己都唔會太大嘅評論，因為自己畢竟都仲係一個小市民。可能有啲意見我都會擺喺心。有啲嘢自己控制唔到嘅時候，不斷討論都唔會改變到啲乜嘢。」
無綫花旦鍾嘉欣更謂不清楚現時香港社會發生何事，並謂﹕「我不嬲都希望，乜嘢工作單位都好，大家都和諧和諧。」至於被亞視捧為「亞洲之子」的亢帥克更依足CCATV風格，揚言﹕「我唔係好鍾意政治，同埋都冇乜留意政治。始終係政府嘅台，就避免敏感嘅說話啦。」