亞洲電視去年開始要求旗下藝員接受洗腦式演藝訓練計劃，部份不肯就範的藝人如戚黛黛和蒲進等人慘被「大開殺戒」。騎呢事件繼續獻新猷，日前三度開殺戒，曾參加第三屆《亞洲星光大道》的李麗珊因3次遲到上堂被炒，但亞姐出身的王欣，有傳其男友與王征份屬老友，故此逃過被炒的命運。
亞洲電視去年年尾因不滿藝員缺席「洗腦班」而向戚黛黛、張啟樂、陳綺雯、車車（張紫櫻）和蒲進派大信封。
昨日本報接獲消息，曾參加第三屆《亞洲星光大道》、有指將會取替戚黛黛擔任六合彩主持的李麗珊大前日（14日）突然被炒， 據知她曾經3次遲到上堂，因而遭大老闆王征勒令即炒，不過同樣遲到3次，亞姐出身的王欣，有傳因其男友與王征是老友，故此逃過一炒。李麗珊前日更在微博上載一張亞視員工證的相片。
「失望同唔開心」
記者昨日致電李麗珊求證，對於因遲到3次而被炒，李麗珊坦承說：「我都係早幾日返公司執嘢，當然有失望同唔開心。」她透露被炒過程沒有先兆，直到有一日收到藝員部同事電話，對方稱她遲到超過3次，公司將有這個安排，她說：「佢哋想轉其他形式合作，但係我都冇話同佢哋轉乜嘢形式，就當呢個係遲到處分。」她又稱本來與亞視尚有幾個月便約滿，今次變作提早解約，公司會計清楚工作騷錢給她。至於今後工作，李麗珊說：「睇吓出面有冇其他機會，我會留意吓，或者睇吓有冇人介紹，但係我先要準備吓自己，唔係人哋會覺得點解要簽你。」
王欣有後台冇事
至於有傳亞姐出身的王欣同樣遲到3次，但因男友與王征老友而逃過被炒，李麗珊說：「我有聽過呢件事，但係唔肯定。」此外，昨日記者向亞視製作助理副總裁冼偉智查證此事，不過至截稿前仍未獲回覆。
採訪：林妃
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/