恭喜李安納度喺電視直播度求婚成功！上周五歐聯抽籤後，巴黎聖日耳門嘅體育總監李安納度接受天空電視台訪問，而咁啱，訪問佢嘅就係佢嘅主播女友安娜。李安納度好勇敢咁喺直播入面求婚，「安娜，你願唔願意嫁畀我？你𠵱家就答我啦，我等緊你，相信呢條問題唔難答。」安娜又尷尬又驚喜，一時都唔知點應，但佢最後都講咗ok！其實李安納度同安娜感情好穩定，已經有個仔㖭㗎嘞！