唔知點解，我個人好鍾意食日本Style嘅西式麵包，外表精緻外，口感仲特別鬆軟香滑。最近旺角開咗間叫做「Bake & Bite一口烘焙」，主打精緻嘅日式意大利烘焙包點。咪以為呢啲包點只係簡單嘅麵包、酥餅等，其實用咗好多靚料，包括有澳洲厚切和牛、意大利辣肉腸，甚至連蘸汁都喺外國空運到港，簡直誠意可加！先講講佢嘅意大利Panini系列，最正必定係醬燒日式和牛Panini，用咗澳洲厚切和牛，加上濃郁嘅燒烤醬、清甜嘅洋葱青瓜等，嗰陣包香同牛味完全令人無可抗拒，和牛入口雖未至於即溶，但係肉質嫩滑，簡直一流！除咗Panini外，仲有一口脆酥盒、流心芝士夾餅、法式焦糖蜂蜜燉蛋等同樣值得推介。
Bake & Bite（2390 2883）
地址：旺角彌敦道783號地舖