【特稿】
「以前喺度搭飛機，由細搭到大，𠵱家唔同晒！」港人譚小姐移民加拿大20年，最難忘啟德機場，如今機場變成郵輪碼頭，她更成為首批旅客。譚小姐直言啟德空置十多年，鄰國新加坡郵輪碼頭亦落成，港人須急起直追，「你唔開始唔會有進步，慢慢去發展係啱嘅，唔可以一開始就整晒，冇一個碼頭係咁樣」。
幸上岸毋須駁艇
20多年來，譚小姐乘搭不同郵輪，遊遍世界各地碼頭，她認為啟德碼頭在國際排在中游，「美國邁阿密郵輪碼頭資歷多、（發展）時間長，啲港口係好靚，歐洲大埠羅馬都唔係咁好，始終建築咗好耐，冇乜嘢維修」。她認為啟德碼頭暫時領先於東南亞碼頭，如越南、泰國等地，停泊時毋須駁艇便能上岸，但近年新加坡郵輪碼頭落成，天津郵輪碼頭也大大改善，將成為本港勁敵。
她續稱啟德面對交通配套不足和購物中心未落成兩大問題，希望的士站盡快啟用，方便郵輪乘客外出遊覽。她笑言：「我哋香港人識窿路去邊度購物，但對外國人嚟講，附近有購物會方便好多，佢哋連香港、九龍、新界係乜嘢都唔識。」
《蘋果》記者