剛榮升爸爸的錢嘉樂昨日在荃灣出席「關愛．大熊貓」揭幕禮，嘉樂即場抱一個9個月大的BB示範餵奶，豈料他一抱BB， BB即甩帽甩襪，又不慎將BB的頭撞向司儀的咪高峯，搞到BB大喊，相當論盡，幸好之後嘉樂成功逗回BB 一笑。
取名凱晴
嘉樂表示父親幫囡囡改名為凱晴，他說：「盈盈想個名三個字，凱係有闊大意思，晴代表希望同光明。」嘉樂指囡囡出世一星期，現時日夜作戰，但好開心和享受，就算喊都不覺煩：「第一次見到佢擘大眼、笑同屙bu bu（屎），知為乜咁開心，囡囡好鍾意屙bu bu，一個鐘換三、四次尿片，好彩有贊助。」盈盈現時跟陪月學湊B，嘉樂則試過替BB掃風，但拍到好大力，盈盈不讓他掃，又謂老婆想生三個，他要努力搵錢。
採訪、攝影：溫敏芝
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/