【人生低潮】
不是太多人記得丁子高做過歌星，2000年是組合VRF的成員，這三年水銀燈歲月被他形容為人生低潮。生怕機會稍縱即逝，他讀到大學一年級便輟學，但娛樂圈並無眷戀他，出過兩張唱片後便接不到工作，「好怕睇唔到盡頭，娛樂圈唔係話你幾努力、幾勤力就得，永遠要保持準備狀態等機會嚟。」
具當紅條件 缺伯樂推廣
丁子高說喜歡唱歌，是自小受家人影響，他自上而下輕掃自己身軀，「我完全唔覺得自己唱歌有問題，亦覺得呢個產品需要嘅餡都有，但冇人識得幫佢做marketing。咁大個人都要屋企畀錢我做歌手，唔係好受，覺得自己好冇用，做緊嘢又搵唔到錢。」他惟有遠赴上海幫父親打理生意，但這一年他無法投入，千篇一律的工作激發不到他的激情。他返回香港，如其他打工仔一樣發信求職，最終覓得公關工作。
丁子高的爺爺，早年由上海來港由裁縫轉型做珠寶貿易，高峯期在銅鑼灣有六間舖。父親後來外闖，到內地做皮革和製衣生意，「我14歲嗰時開始睇到屋企生意唔好，大屋搬細屋，但都供得起我去奧克蘭讀書。」雖不能如富貴同學般住豪宅揸靚車，但他生活滿足，未捱過窮。父親生意規模後來逐漸縮小，目前製衣廠房租出去，只保留造紙生意。