近幾年，年輕一代的何家淑女超雲、超蓮、超盈以及最年幼的超欣，一舉一動都備受關注，往往霸佔報章雜誌大大的版面。超儀以往都是鏡頭下的何家淑女，問她可有忠告新一代何家淑女，但聽過問題後，超儀用了一個model answer回答：「估到你一定問呢啲啦，唔答呀唔答呀，全部屋企人都唔講呀。我知你點解咁問，因為好多時啲人開騷都成棚屋企人去撐場，但我從來都唔使㗎，所以唔使問我屋企嘢㗎啦，一句都唔會講。」
香港唱歌冇錢搵
身為賭王的女兒，加入樂壇一定會聽過「有錢女鍾意做乜都得」，超儀承認聽過不少類似的說話，卻從不理會不解釋，她說：「嗰啲人儍㗎，唔使理佢哋㗎，我要逐個解釋咪好唔得閒，我唔會浪費青春、時間。講真香港唱歌係搵唔到食，反而𠵱家返內地做騷搵到。」最後超儀強調自己對唱歌仍然有一團火，如果有日她做完所有想做的事，便是她退出娛樂圈之時。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/