車路士隊長泰利喺早兩日揸住佢架價值17萬鎊（約212萬港元）嘅賓利靚車，點知喺距離佢屋企唔係好遠嘅地方遇上大塞車。泰利等到唔耐煩，就一條氣落車走人，喺附近其中一位司機話：「其實當時條路都就通番，佢咁樣做實會阻住大家。」泰利都唔係一走了之，原來佢都有打畀朋友叫佢嚟現場坐喺車入面繼續等，再call另一個朋友揸車嚟接佢走，認真大支嘢。