高海寧(高Ling)、龔嘉欣和岑杏賢昨日在尖沙嘴出席「香港國際七人欖球賽2013」活動，三人穿上大會T恤，高Ling明顯消瘦一個碼，她透露為迎夏日刻意減肥，她說：「陳豪教咗我一個快速減肥法，佢叫我戒鹽戒油，水腫去得好快，加上買咗架健身單車喺屋企踩。」問可擔心上圍縮水？她說：「內衣都啱身，均勻就OK。」有指高Ling拍《單戀雙城》時背後彈陳茵媺演技差，兼四圍放生電？她說：「識我嘅人知我唔會。」
失戀的龔嘉欣自言已成功增磅，雖然羨慕高Ling的好身材，但拒絕僭健隆胸。她透露近數月有約朋友學電單車及畫畫，還自爆出席朋友安排飯局，她說：「樂意接受朋友邀請去識異性，但兩個相士話我今年桃花易嚟易去，姻緣事隨緣。」
採訪：魯萍
攝影：仇志德
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/