噚日開始一連三日嘅「C3日本動玩博覽2013」喺會展舉行，大會搵咗吳若希擔任動玩大使，仲邀請咗日本4人兄妹組合bless4同相澤舞等嚟表演。噚日現場有唔少cosplay迷悉心打扮到場，有位「公主大叔」着住白色婚紗出現，襯埋佢面上嘅鬚根、鬈曲假髮同頭箍，又拎住個紅白藍袋，立即成為全場亮點。
現場仲有好多少女扮演唔同動漫角色，好似有「初音」、機械戰士同護士等等。咁多勁人出現，吳若希只係着短褲玩夾公仔就真係比較失色，佢自誇話超過三分一嘅動漫角色都認識，但佢自爆早前扮動漫女角色時，就俾專業cosplay迷批評唔夠水準，佢話：「以前返學日日都cosplay，因為日日着校服，但入行後試過扮學生妹，大家都話我扮得唔似，冇乜說服力。」
撰文﹕洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/