無綫花旦趁春天來臨，急不及待換上春裝，黃智雯前晚罕有以性感tube dress大戰谷胸「沈大師」沈卓盈，沈大師即時被比下去。身為代言人的黃智雯還先後換了兩套晚裝，又有梁烈唯護花，排場又勝一仗。
現年30歲的黃智雯近日在無綫新劇《女警愛作戰》的表現備受讚賞，更指比女主角周麗淇搶鏡，前晚黃智雯以護膚品代言人身份到旺角出席活動，同場有沈大師沈卓盈、梁烈唯和李綺雯等。一向密實的黃智雯罕有以性感tube dress亮相，迎戰同場28歲谷胸的沈大師，兩人胸鬥胸，明顯黃智雯的肉地勝一籌，加上黃智雯有梁烈唯護花，又換了兩次服飾，排場上又贏一仗。
坦承有追求者
記者取笑黃智雯賣大包，她坦言因為第一次做代言人，並說：「間唔中性感OK，自己好緊張，因為第一次有電視廣告，拍時仲駁長髮，拍完即刻拆咗趕拍劇。都剪短咗頭髮年幾兩年，自己想留長啲，但𠵱家拍劇未必有機會，加上6月開《飛虎》續集更加唔得。」
問黃智雯前日白色情人節有否與男友慶祝？她笑說：「講到我有男友咁樣？我有正常約會，有追求者，了解當中，都係想感情事低調。」對於在《女》劇甚搶鏡，她自嘲角色很惡，擔心嚇親觀眾。日前劇集演員約食飯睇首播，惟獨她缺席兼被發現在中環行街，黃智雯否認不獲邀請，只是當日約了家姐逛街，之後又要開工。
此外，沈大師前日下午3時現身銅鑼灣，先到卓悅買假眼睫毛，再到街邊檔買頭飾，但她表現閃縮兼頭耷耷，最後她到萬寧買健康食品後，即登上友人駕駛其男友的七人車離開。
採訪：楊潔雯、徐錦池
攝影：陳順禎
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/