目前仲係巴塞1號門神嘅域陀華迪斯早前表明唔續約，意味呢位西班牙國腳好大機會喺季後離隊。31歲嘅域陀華迪斯，之前就被效力過巴塞嘅法國球星亨利力邀加盟阿仙奴；亨利認為華迪斯應該試吓尋求英超嘅挑戰。不過，近日就有傳巴西勁旅聖保羅好想華迪斯加盟，成為傳奇門將羅渣里奧嘅接班人，就睇吓呢單交易會唔會成事啦。