46歲嘅溫碧霞日前出席英皇春茗疑似露點，艷壓全場，昔日嘅𡃁妹仔，雖然今日已經貴為人妻，但舉止豪邁不遜當年，實在令一班後生女望塵莫及呀！不過啤霞唔係次次都咁大方㗎，尤其係佢97年出席香港電影金像獎嗰次。
事發喺97年4月13日，溫啤霞出席第16屆香港電影金像獎頒獎禮，當晚以一貫性感斜肩look上陣，扮海潮扮到上咗癮咁。咁入到場，啤霞就例牌風騷擺甫士任影唔嬲啦，嗰時仲係菲林機，真係一卷卷咁chur。奇就奇在，平時記者影佢正面斜膊，但嗰晚就追住背脊係咁影，啤霞先至發現屁股位置有撻血迹，之後惟有將個身黐埋牆打橫行，又借啲意用手袋遮住撻迹囉！當年仲有口痕友將呢件事命名為「紅潮風暴」㖭！問你死未！
撰文：阿Wow
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/