台灣音樂才子王力宏一直以嚟都有唔少緋聞，呢排最hit當然係傳佢同鋼琴王子李雲迪有斷背情，之前內地魔術師劉謙喺一個騷上面，喺李雲迪面前提起王力宏，搞到傳劉謙俾人打，掀起一連串風波。
祝福周董個唱加場
前日王力宏喺上海出席演唱會記招，先係有內地記者提到話另一位台灣天王周杰倫同樣喺上海開演唱會，因為反應好加開到三場，咁王力宏會唔會有壓力？佢好大方答：「杰倫票房這麼好，祝福他，這是件很好的事情，我也很開心自己的演唱會可以開到去全世界。」
跟住另一位記者咪打蛇隨棍上，問王力宏會唔會請李雲迪做嘉賓？王力宏聽到只係好冷淡答：「不會，我的演唱會沒有表演嘉賓。」答得幾大方得體，但工作人員馬上出聲警告嗰位記者，話如果再問有關李雲迪嘅問題就會趕佢離場，冇面畀。事後再問王力宏工作人員點解咁做？佢話只係想大家將焦點放番喺演唱會上喎。
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/