【本報訊】在青馬橋一躍而下，卻奇蹟大難不死，跳橋男精心策劃的一場自殺局未如願。雖然他自言無悔跳橋，更笑言以後不怕玩笨豬跳，但在鬼門關前兜過一圈後，他決定以後發憤繼續做人：「真係唔係個個都有take 2！」
記者：梁琬珊 馮國良
跳橋大難不死的男子姓吳，叫阿星，今年30歲，花名光頭仔，15歲開始跟隨新義安話事人「細B」搵食，曾於油尖旺打滾，近年轉往澳門，打扮新潮，在病床上仍不忘顧及儀容。阿星自殺不死，被揭發涉嫌呃政府錢被警方通緝。
「今次死唔去，咪繼續做人囉！」僅經過三天的治理，阿星已經完全清醒，更可與記者戲言。從62米高的青馬橋一躍而下，最後只傷及尾龍骨第二節、右臂、左腳及肝臟，算是不幸中之大幸。「可能平時操得fit，我都以為自己死硬！」
「好快好刺激好輕鬆」
曾因搶劫入獄一年的阿星，直言自己「咩都試過」：「錢又搵過，女又試過，連監都坐過。」不過，英雄難過美人關。阿星因感情問題，上周由澳門返港散心，其間憶起多年來的不快，於是實行其自殺大計。他先自斟自酌飲了一支半軒尼詩，「我飲親酒都大膽啲」，然後截的士往東涌，經過青馬橋時訛稱想嘔，下了車便往橋邊坐下，不久即驚動消防員及警方趕至勸阻。
他解釋，當時看不清橋下的情況，想待天亮一點，看看風景才跳。「我個人鍾意清清楚楚，睇清楚環境先敢跳，我仲同消防講唔好意思，阻佢哋收工，五分鐘後就會跳。」天開始光，他看清了橋的高度，便一躍而下：「好快好刺激，同死亡好接近，竟然覺得好輕鬆，不過臨落水冇咗知覺，醒返已經喺醫院。」
大難不死，必有後福，阿星死過翻生後決定戒煙：「反正無食咁多日，借今次事件戒埋，身體都好啲。」事過境遷，他對人生重新充滿希望，更信誓旦旦指不會再跳第二次：「唔係唔夠膽，係我唔會再做，呢啲嘢試過一次就夠。」他坦言，以前覺得自己「咩都試過」，但當接近過死亡後，始知自己還有很多事未做，自己的能力不止於此。「其實嗰一刻有少少係為發洩，唔係一定要死，諗返轉頭，全部問題都解決到。」
